Драги мои,ќе прочитате многу митови околу тоа дали треба наутро да се доручкува или не. Вистината е една, ќе ви објаснам:
Во раните утрински часови калориите најбрзо се трошат а тоа е многу важно, поради баш тој податок доручекот има специфична вредност за целиот метаболизам.
Доручек треба да се јаде најкасно до 9 часот, или поточно и најпрецизно 1 час откако ќе се разбудите. Доручекот никако не смеете да го прескокнете.
Квалитетниот доручек додатно ќе го активира и забрза метаболизмот со сите негови структури, протеини, добри масти, јаглени хидрати а посебно влакната мора да бидат посебно застапени.
ПРОТЕИНИ
се примарни. Нивната улога е да создаваат органи и да го оддржуваат целиот организам. Тие се задолжени за растот и развојот на организмот и нивната улога е круцијална во градбата и обновувањето на клетки. Некои ЕНЗИМИ имаат посебно значајна улога во организмот како што е глобулинот кој ни пренесува кислород и ни овозможува дишење.
Значи целосно гледано,протеините имаат животно важна функција, затоа е многу важно да се внесуваат протеини и аминокиселини за време на доручекот.
Како ќе знаете кои намирници се носители на квалитетни протеини? нив ќе ги препознаете по нивната биолошка вредност:
Висока биолошка вредност имаат
-јајца,млеко, месо, сурутка,млади сирења
Средна биолошка вредност имаат
-мешунките и житариците
Ниста биолошка вредност имаат
– овошје и зеленчук
Како заклучок постои фактот кој ни кажува дека за време на доручекот протеини од животински и растително потекло треба да бидат оптимално застапени. Количината треба да изнесува околу 50 грама. На пример 100гр.месо во просек содржи измеѓу 25 и 30 грама протеин, па сами можете да си израчунате колку ќе внесете.
Протеините во исхраната на човекот имаат и динамично дејство, што значи дека се зголемува потрошувачката на кислород, а со тоа се троши повеќе енергија дури и за 16%. Сето ова ни укажува дека со внесот на протеини не се зголемуваат масните резерви, туку напротив брзо се трошат и исчезнуваат. Нормално, немојте да претерувате со протеините. Запамтете:
Вкупната потреба на човекот за протеини кога е во фаза на слабеење или рестриктивна диета треба да биде 1 грам по килограм (од телесната тежина) во текот на 1 ден.
Сега малку и за
ДОБРИ МАСТИ
Користа од добрите масти за човекот е многу поголема и од тоа што сте го слушнале,или сами сте си помислувале.
Овие масти ја регулираат телесната тежина со тоа што го забрзуваат метаболизмот,го подобруваат квалитетот на кожата и косата, го намалуваат лошиот холестерол и уште многу други бенефити.
МАСЛИНОВО МАСЛО
спаѓа во добри мононезаситени масти кои телото може лесно да ги апсорбира бидејќи лесно ги препознава. Не е ефтин но е страшно здраво и треба да се користи пред сите други зејтини макар за салати и ладни предјадења.
МАСЛО ОД КОКОС
при варењето во организмот го забрзува метаболизмот за дури 15%. Кога кажувам кокосово масло, мислам на нерафинирано и ладно цедено кое покрај прелив за салати можете да си го користите и за готвење.
ЛЕНЕНО МАСЛО
е исто така доста богато со Омега 3 масни киселини. Користете го како прелив за салати или во овесни житарици (1 супена лажица) и ќе добиете супер додаток за доручек.
РИБИ
Сите риби се богати со Омега 3 масни киселини. Ако не сте во состојба да имате свежа морска риба за доручек, може да ја замените со сардина но во маслиново масло. Не е помалку вредна од туна или скуша, само што и недостасува јод. Но квалитетот на месото е одличен,мала калориска вредност (особено пастрмката)
БАДЕМИ
Не се особено богати со Омега 3, но се особено богати со минерали и витамини, најмногу Витамин Е,железо, магнезиум и калциум. Нивната улога во диетотерапиите е тоа што значајно ја спречуваат апсорпцијата на мастите а богати се со диететски влакна
РАФИНИРАН ПУТЕР
Најновите истражувања покажаа дека полномасното млеко може да ја намали телесната тежина и да да спречи срцеви болести и мозочни удари. А баш путерот е богат со витамините А,Е и К
ИНТЕГРАЛНИ ЖИТАРКИ
Даваат енергија, издржливост и виталност на мозочните функции. Тие не снабдуваат со протеини од растително потекло, витамините А,Б, и Е комплекс, како и минерали, магнезиум,цинк,селен,железо, фолна киселина како и многу антиоксиданси. Но, посебна вредност кај нив се влакната без кои нема добро варење и дефекација(празнење на цревата) Нивното присуство во нашата исхрана ни обезбедува заштита од покачен притисок, покачен холестерол во крвта, црниот дроб, дијабет и рак ( на желудник, дебело црево и простата)
Ако не се доручкува нивото на кортизол, хормоните на будност и на стрес стануваат високи, доаѓа до благ пад на шеќер во крвта, особено ако прво се напиете кафе и го излажете организмот па не чувствува глад,иако нестрпливо организмот очекува храна, енергија. Тогаш се активираат хормонско-ензимски механизми кои ствараат енергија за работа на срцето, мускулите и останатите органи. Без доручек, овие активности можат да се блокираат,што ќе доведе до тоа да порано или подоцна имате пореметувања во функционирањето на вашиот организам. После ноќното спиење, кога се создаваат маснотиите-без доручек организмот ќе продолжи да ги складира тие масти наместо да се ослободува од нив. Значи, кога редовно доручкувате, вие уствари ја трошите онаа енергија која сте ја собрале во текот на ноќта, а новата која е создадена од согорување на храната која ја внесовте за доручек, ви обезбедува енергија за цел ден.
Ете така, драги мои,значи внимателно бирајте што ќе доручкувате. Можете да си дадете слобода да бирате што ви е волја, но под услов да се вклопува во рестриктивниот програм на вашата исхрана. Ни сланина ни шунка не е погрешно, бидејќи беланковини од животинско потекло ви се баш доста потребни.
За вегетаријанците постојат беланковини од растително потекло, а тие се наоѓаат во житариците, мешунките и некои зеленчуци. Дури и малку кајмак да земат нема да е погрешно, а посебно домашно сирење или домашно кисело млеко, може и кефир. Јогурт може домашен,секако не од продавница бидејќи во него ставаат доста скроб-тоа нема да ви биде добредојдено во вашиот план да симнете килограми.
Виршли,сомнителни колбаси, разни месни нарезоци и паштети никако не би ви препорачала бидејќи месото во нив е од сомнително потекло,полни се со адитиви и глутамат, а посебно шеќери.
Варено јајце и свеж сиров зеленчук треба секогаш да е на вашата трпеза за доручек најмалку два до три пати неделно.
